Талас облусунда жайгашкан Манас шайлоо округунан талапкер Мирлан Назарбеков шайлоонун алдын ала жыйынтыгын тааныбай турганын билдирди. Назарбеков шайлоо жапырт добуш сатып алуу, одоно мыйзам бузуу менен өткөнүн айтты.
"Бардык жерде жапырт добуш сатып алуу болду. Бардык далилдер бар. Экинчи себеп аймактык шайлоо комиссияларынан жыйынтыктар келбей жатат. Биздин байкоочулар кол менен саноого катышпай калган. Биз добуштарды кайра санап чыгуу талабын коебуз",- деди Назарбеков.
Ал эми аталган шайлоо округунан жеңишке жетишкен Дастан Жумабеков анын айыптоолорун четке кагып, элдин тандоосун сыйлоо керек деген ойдо.
Пикирлер (1)