Сузак районунун аймагында “Тилемчи” аталышындагы ыкчам алдын алуу иш-чарасы өткөрүлүүдө. Бул тууралуу Жалал-Абад ОИИБдин басма сөз кызматынан билдиришти.
Маалыматка ылайык, Сузак районунун тургуну 1987-жылы төрөлгөн Н.М.нын арызы боюнча, 17-августтан бери үйүнөн чыгып кеткен жашы жете элек 3 баласы көчөдө тилемчилик кылып жүргөн жеринен РИИБдин жашы жете элек өспүрүмдөр менен иштөө инспекциясынын кызматкерлери тарабынан табылып, ата-энесине өткөрүлүп берилген.
Ошону менен катар бул үй-бүлөнүн абалы боюнча райондук социалдык жактан коргоо мекемесине балдарына жардам алуу боюнча сунуш жөнөтүлгөн.
Сузак РИИБдин кызматкерлери тарабынан бул багытта алдын алуу жана түшүндүрүү иштери дагы да болсо үзгүлтүксүз жүргүзүлө берери кабарланат.
Пикирлер (0)
Пикир жок. Сиз биринчилерден болушуңуз мүмкүн