Ноокен районунун Бүргөндү айыл аймагынын Жеңиш айылынын тургуну, 1963-жылы туулган Ахмедов Орозалы Абдыкахарович өзү жашаган үйүнөн 7-октябрда саат 20:00 чамасында чыгып кеткен бойдон дайынсыз жоголуп, бүгүнкү күнгө чейин жүргөн жери белгисиз болууда.
Жалал-Абад ОИИБдин маалыматына караганда, учурда Ахмедов Орозалы Абдыкахаровичдин жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.
Өзгөчө белгилери: Бою 155-160 см, өңү кара тору, чачы кыска ак чач аралашкан, маңдайкы үстүңкү тиштери түшүп калган.
Кийген кийимдери: Көгүш түстөгү спорттук кийим, көгүш түстөгү джинсы шым, кара түстөгү кроссовки.
Милиция дайынсыз болуп жаткан Ахмедов Орозалы тууралуу кандайдыр бир маалымат болсо (03734) 5-05-44, 0772 10 10 49, 0551 75 00 91, 0709 42 65 28 номурлары аркылуу кабарлап коюуну өтүнөт.
Пикирлер (0)
Пикир жок. Сиз биринчилерден болушуңуз мүмкүн