Кыргызстандык сууда сүзүүчү Денис Петрашов АКШдагы Атланта турниринде 200 ярд аралыкка брасс стилинде сүзүүдө биринчи орунду камсыздап, жаңы рекорд койду. Бул тууралуу 19-январда Кыргызстандын сууда сүзүү федерациясынан билдиришти.
Маалыматка ылайык, спортчу 200 ярд аралыкты 01:50:51 убактысында сүзүп өтүп, өзүнүн категориясында ылдамдык боюнча жаңы рекорд жараткан.
«Куттуктайбыз, бул Денисти Америка континентинин гана эмес, бүткүл планетанын элиталык сүзүүчүлөрүнүн бири кылган кайталангыс жетишкендик!», — деп айтылат билдирүүдө.
Буга чейин Петрашов ошол эле мелдештин башка категориясында 2-орунду камсыздаган.
Булак: "Клооп.кг"
Пикирлер (0)
Пикир жок. Сиз биринчилерден болушуңуз мүмкүн