Депутат Алимжанов мандат чыры боюнча Жогорку Сотко кайрылды

Жогорку Кеңештин депутаты Фарходбек Алимжанов мандат маселеси боюнча Борбордук шайлоо комиссиясынын чечимине каршы Жогорку Сотко даттанды. “Азаттыкка” Алимжанов өзү ырасттап, соттук отурум 14-февралга белгиленди.

Борбордук шайлоо комиссиясы Жогорку Кеңештин депутаттары Фархат Исмаилов (“Ата-Журт – Кыргызстан” фракциясы) менен Фарходбек Алимжановду ("Альянс") диплом чырына байланыштуу 6-июлда мандатынан ажыраткан. Экөө тең комиссиянын чечимине каршы сотко арызданган. Алгач райондук, кийин Бишкек шаардык соту да алардын арызын канааттандырган эмес.