Жогорку Кеңештин депутаты Азамат Арапбаев Араван райондүк ооруканасына ун жана кычкылтек концентраторун алып берди. Бул тууралуу социалдык тармактын колдонуучусу Салохиддин Инобидинов билдирип, эл өкүлүнө ыразычылык билдирген.
“Араван цемент заводу, Жогорку Кеңештин депутаты Азамат Арапбаев башчылыгында оор кырдаал болгон COVID-19 учурунда Араван элине өз жардамдарын берип келүүдө. А.Анаров айыл өкмөтүнө караштуу Ачы элине 100 кап ун алып берди жана Араван райондүк ооруканасына 100 кап ун жана кычкылтек концентратор алып берди. Жеке тартипте кайрылган айыл тургундарына өз жардамдарын берип жатат. Азамат Арапбаевге А.Анаров айыл өкмөтүнүн бюджетине кошкон чоң салымы үчүн жана демөөрчүлүк жардамдары үчүн чоң ыраазычылык билдиребиз”, - деген Инобидинов.
Пикирлер (0)
Пикир жок. Сиз биринчилерден болушуңуз мүмкүн