Жогорку Кеңештин депутаты Эльвира Сурабалдиеванын үй-бүлөсүнө таандык болгон Бишкектеги "Кудайберген" унаа тетиктерин сатуучу базар 70 миллион сомдон ашык салык төлөдү. Бул тууралуу Салык кызматынын орун басары билдирди.
Маалым болгондой, 2022-жылдын декабрь айында базарга көчмө рейд жүргүзүлгөн. Анын жыйынтыгында 70 миллион 740 миң сом салык жашырылганы аныкталган.
Тиешелүү салык декабрь айынын соңунда мамлекеттик бюджетке камсыз кылынган.
Эскерте кетсек, депутат Эльвира Сурабалдиева Жогорку Кеңештин жыйынында УКМК башчысы Камчыбек Ташиев менен аталган маселе боюнча айтыша кеткен.
Пикирлер (0)
Пикир жок. Сиз биринчилерден болушуңуз мүмкүн