Айыл чарба министрлигине 2009-жылдан 2022-жылга чейин 108,3 миллион доллар бөлүнгөн. Мындай маалыматты 13-мартта Жогорку Кеңештин депутаты Кундузбек Сулайманов парламент жыйынында билдирди.
Ал Эсептөө палатасынан бул маселени дыкат текшерүүнү өтүндү.
Депутат бул маселе боюнча деталдуу текшерүү болбогонун айтты.
«Ар бир сарпталган тыйын текшерилип, отчет берилишин суранам», - деди К.Сулайманов.
Маалымат үчүн:
Аскарбек Жаныбеков 2021-жылдын февралынан 2023-жылдын декабрына чейин айыл чарба министри болгон.
2023-жылдын декабрынан бүгүнкү күнгө чейин министрликти Бакыт Төрөбаев жетектейт.
Пикирлер (0)
Пикир жок. Сиз биринчилерден болушуңуз мүмкүн