Депутат Ысык-Көлдөгү айланма жолдун курулушу үчүн алынган кредит жогорку пайызда алынганын билдирди

Жогорку Кеңештин депутаты Чолпон Султанбекова  Ысык-Көл облусундагы айланма жолду курууга алынган кредиттин пайызы жогору экенин билдирди.

Анын айтымында, Кувейт фонду буга чейинки долбоорлор үчүн кредитти 1 пайыздан берген.

"Кувейт фонду Ысык-Көлдөгү Корумду-Балбай айланма жолун реконструкциялоо үчүн кредитти 2 пайыз менен бериптир. Бул көрсөткүч жогору эмеспи? Анткени буга чейин фонд долбоорлорду каржылоодо 1 пайыз менен берген",- деди депутат Султанбекова.

Транспорт жана коммуникациялар министринин орун басары Таабалды Тиллаев долбоорду каржылоо үчүн 4 банк 1 пайыздан берүүгө даяр экенин билдирди.