Жогорку Кеңештин Транспорт, коммуникациялар, архитектура жана курулуш боюнча комитетинин төрага орун басары болуп депутат Тынчтыкбек Конушбаев шайланды.
Бүгүн, 27-майда Жогорку Кеңештин жыйынында “Кыргызстан” фракциясы тарабынан аталган комитеттин төрагасынын орун басарлык кызматына депутат Тынчтыкбек Конушбаев сунушталды.
Талапкерди шайлоо үчүн ар бир фракциядан эл өкүлдөрү Эсептөө комиссиясынын курамына бекитилди.
Эсептөө комиссиясынын чечимине ылайык, жашыруун добуш берүү менен өткөн шайлоо бюллетенинде макул жана каршы деп жазылган.
Комиссиянын төрагасы Эмил Токтошев билдиргендей, добуш берүүгө 83 бюллетень урнага салынган, бардык бюллетенде макул деп добуш берилген. Жыйынтыгында Конушбаев 83 добуш менен Транспорт комитетинин төрага орун басары болуп дайындалып, Эл аралык иштер, коргоо жана коопсуздук боюнча комитетинин мүчөлүгүнөн чыгарылды
Пикирлер (0)
Пикир жок. Сиз биринчилерден болушуңуз мүмкүн