Жогорку Кеңештин депутаты Мыктыбек Абдылдаев бүгүн, 19-мартта парламенттин жалпы жыйынында COVID-19 жаңы вирусу эмне себептен "коронавирус" деп аталып калганына кызыкты.
Анын айтымында, адам баласында кездешкен вирустардын бары биологиялык ат менен белгилүү. "Бул вирус жалгыз саясий ат менен "таажы" деп аталып калды. Бул вирустардын чокусу эмеспи?", - деп сурады депутат.
Саламаттык сактоо министри Космосбек Чолпонбаевдин айтымында, микроскопиялык изилдөөдө вирустун көрүнүшү таажыга окшошуп тургандыктан "таажылуу вирус" деп аталып калган.
Башында жарганат менен жыландын ортосунда мутациядан пайда болгон деп айтып чыгышкан, кийинчерээк Кытай окумуштуулары Ухань шаарында канаттуулар базарында жарганаттан жуккан деген божомолдорун айтып жатат.
Пикирлер (0)
Пикир жок. Сиз биринчилерден болушуңуз мүмкүн