Жогорку Кеңештин депутаты Марлен Маматалиев элдик штаб түзүп, ага кайдыгер эмес жарандарды кошулууга чакырды. Бул тууралуу депутат соцалдык тармактагы баракчасына жазды.
"Ким жарандарбыздын тагдырына кайдыгер эмес болсо, Саламаттыкты сактоо министрлигинин имаратынын жанында уюштурулган элдик штабга кошулууга чакырам. Эпидемиологиялык курч абалга жана тез жардам унааларынын жетишпей жаткандыгына байланыштуу каалоочулар унаасы менен келип (кичи автобус жана минивен) кошулсаңар болот. Чыгымдарын өзүм көтөрөм. Учурда биздин командада 5 унаа бар, ал дагы жетишсиз", - деп жазган ал.
Ошондой эле, ал жасалма дем алдыруучу аппараттарга буйрутма бергенин, эгер муктаждык болсо кеңсесин кошумча орундуктар үчүн берүүгө дар экенин жана ооруканаларга өзү барып, кырдаалды көрөрүн жазган.
Пикирлер (0)
Пикир жок. Сиз биринчилерден болушуңуз мүмкүн