Депутат Россиядан депортация болуп жаткан мигранттардын маселесин көтөрдү

Бүгүн Жогорку Кеңештин жалпы жыйынында депутат Айбек Осмонов Россиядан депортация болуп жаткан мекендештердин маселесин көтөрдү.

Осмонов Россиядагы элчилик кыргыз жарандары үчүн жакындан жардам көрсөтүш керек деп эсептейт.

"Бир жумадан бери Москвадагы мекендештерибиз кыйналып жатат. Бизге кайрылып жатат. Ошол жактагы биздин элчибиз мигранттардын маселесин чечсин же кызматтан кетсин! Күнүнө 200-300 жаранга «депорт» басылып, Кыргызстанга келип жатыптыр. Милицияканада жаткандар бар экен. Алар бизге акча которгондо же шайлоодо эле керекпи?",- деди Осмонов.