Жогорку Кеңештин депутаты Тазабек Икрамов ата-энесин карылар үйүнө таштаган жарандарды мамлекеттик кызматка албоону сунуштоодо. Бул тууралуу ал Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин жыйынында билдирди.
Эл өкүлү Кылмыш, Үй-бүлө кодекстерине жана “Мамлекеттик жарандык кызмат жана муниципалдык кызмат жөнүндө” мыйзамга өзгөртүү киргизүүнү сунуштады.
«Бүгүнкү күндө ата-энесин таштап, аларды багуудан качкан мамлекеттик кызматкерлер бар. Мыйзам долбоору менен мындай жарандарды мамлекеттик кызматка албоону сунуштаймын», - деди ал.
Белгилей кетсек, депутат ата-энесин багуудан качкандар үчүн айып пулду 50 миң сомдон 100 миң сомго чейин көтөрүүнү да сунуштоодо.
Пикирлер (0)
Пикир жок. Сиз биринчилерден болушуңуз мүмкүн