26-октябрда депутат Эмил Жамгырчиев министрлер кабинетинен милиция кызматкерлеринин айлык акысынын өлчөмүн сурады.
«Эгерде бир милиционер жаман иш кылса, анда бүт милицияны сындай баштайт. Бирок статистиканы карасак, акыркы жылдары кылмыштуулук, кырсыктар азайган. Эмне үчүн алар кылган жакшы нерселер айтылбай жатат?” - деди ал парламенттин жыйынында.
Ал 1-ноябрь Милиция күнүн утурлай милиция кызматкерлери тууралуу алгылыктуу материалдарды жарыялоону, алардын маянасын көтөрүүнү сунуштады.
Буга чейин айрым депутаттар Ички иштер министрлигинин ардагерлеринин пенсиясын көтөрүүнү суранышкан. Аларга мыйзам боюнча пенсиянын өлчөмү Ички иштер министрлигиндеги эмгек акынын өлчөмүнө жараша болору айтылган. Эмгек акы көтөрүлмөйүнчө пенсияны көбөйтүүгө болбойт.
Пикирлер (2)