Депутат мүмкүнчүлүгү чектелгендерди карагандарга патенттик талапты алып салууну сунуштады

Депутат Дастан Жумабеков мүмкүнчүлүгү чектелген баланы карагандарга патенттик талапты алып салууну сунуштады.

Депутат 11-декабрда Жогорку Кеңештин Бюджет боюнча комитетинин жыйынында билдиргендей, 9187 бала жеке кароого муктаж. Балдарды каргандарга мамлекеттен айына 9,5 миң сом алат. Бул баланын ата-энеси же башка адамдар болушу мүмкүн.

«Бул бюрократия. Бала карган адам ай сайын салык кызматынан патент алышы керек. Баланы бир күнгө калтырып, салык кызматына барышы керек, ал жерде кезекке турушу керек», - деди ал.

Депутат аларга карата патенттик талапты алып салууну сунуштады. «Санариптештирүү деген нерсе бар. Мамлекет мунун баары автоматтык түрдө узартыла турган жобону иштеп чыга алат. Бул баягы эле бюджеттен түшкөн акча, кайра бюджетке кайра түшөт», - деп белгиледи Жумабеков.

Депутат ошондой эле дагы бир сунуш бар экенин айтты - 18 жашка чыга элек балага карачу адам алуу мүмкүнчүлүгүн чектебей, өмүр бою узартуу.

Комитет мүчөлөрү мыйзам долбоорун жактырышты.