Депутат жаңы суу каналдарын курууга каражат бөлүү маселесин биринчи кезекте кароону сунуштады

Депутат Марлен Маматалиев Жогорку Кеңешке жаңы суу каналдарын курууга каражат бөлүү маселесин биринчи кезекте кароону сунуштады.

Депутат Кыргызстан үчүн суунун башында туруп, кыйынчылыктарга дуушар болушу кечиримсиз экенин айтты. Ал бүгүн тыныгууда кесиптештеринен маселени чукул арада кароону өтүндү.

«Кечээ биздин сүйлөшүүбүздөн мөңгүлөр эрибейт деп айтышты. Бирок колдон келгендин баарын кылышыбыз керек. Маалым болгондой, мэрия эки жылдан бери министрлер кабинетине курулушка каражат жана жер бөлүп берүү өтүнүчү менен кайрылган. 100 миллион сом, төрт участок керек болуп жатат, кечээ эле капиталдык салымдарга 10 миллиард бөлүүнү бекиттик, 100 миллион сом да табылбайбы?", — деди депутат.

Жыйынтыгында бул маселени тиешелүү комитеттин бүгүн, 8-июндагы кезексиз жыйынында кароо чечими кабыл алынды.

Эске салсак, ичүүчү суу маселеси Бишкекте жана анын айланасында башталган. Аны түнкүсүн берүү айрым турак жай массивдеринде, кийинчерээк түштүк кичи райондорунда чектелди. Шаар бийлиги бассейндердин, мончолордун жана унаа жуучу жайлардын иштешине тыюу салып, ишкерлер менен жарандардын нааразычылыгын жараткан.