Депутаттар Аксыда каза болгондордун жакындарына каражат чогултууда

Жогорку Кеңештин депутаттары бүгүнкү жыйынын Аксы районунда селден каза болгон жарандарды эскерүү менен баштады.

Төрага Талант Мамытов маркумдардын жакындарына көңүл айтып, депутаттардын жеке фондусунан каражат чогултулуп жатканын билдирди.

Аны менен катар жаратылыш кырсыгы катталган аймакка колдоо көрсөтүү боюнча кандай маселе болбосун парламент чечип берүүгө даяр экенин кошумчалады.