Дил баян сынагы: Жеңген окуучу iPhone 11 жана мугалими Ысык-Көлгө жолдомо алат

Бишкек шаарындагы №24 мектебинде окуучулар арасында "Китеп-билим булагы" аттуу темада дил баян сынагынын шаардык этабы өткөрүлдү. Бул тууралуу мэриянын басма сөз кызматы билдирди. 

Маалыматка караганда, райондук этаптын жеңүүчүлөрү “Адамга эң кыйыны-күн сайын адам болуу” темасында кыргыз тилинде эссе, дил баяндарды жазышты. 

"Сынактын жеңүүчүсү жана баш байгенин ээси - Свердлов районунун №38 мектебинин 11-классынын окуучусу Байэл Бакытбек уулу жана анын мугалими Кушубекова Салима Кушубековна болду. Байэлге iPhone 11 смартфону жана мугалимине Ысык-Көлгө эс алууга жолдомо берилет", - деп айтылат маалыматта. 

Маалым болгондой, калган шаардык этаптын катышуучулары №82 мектептин окуучусу Зарема Таласбекова, №87 мектептин окуучусу Сезим Өмүрбекова, №64 мектептин окуучусу Асия Тагай кызы жана №69 мектептин окуучусу Зейнеп Азамат кызы велосипед белекке алышса, алардын мугалимдерине Ысык-Көлгө эс алууга жолдомо тапшырылат.