Дин аалымы Абдугаппар Сманов дүйнөдөн кайтты

Казакстандык белгилүү дин аалымы Абдугаппар Сманов дүйнөдөн кайтты. Бул тууралуу коңшу өлкөнүн басылмалары жазып чыкты.

Маалыматка ылайык, анын сөөгү бүгүн жерге берилген.

Белгилей кетсек, Абдугаппар Сманов 1970-жылы февралда Түркистан облусунун Сарыагаш районунда туулган. 1990-1994-жылдары Бекабаддагы (Өзбекстан) “Магрифат” медресесинде диний билим алган.

1994-жылдан бери ал “Таяк ишан” мечитинин башкы имамы жана мечиттин жанындагы медресенин окутуучусу.

2010-жылдан 2016-жылга чейин Сарыагаш медресе-колледжинин директорунун орун басары, 2016-жылдын декабрь айынан баштап Сарыагаш медресе-колледжинин директору болуп иштеген.