Дин иштери боюнча мамлекеттик комиссиясына жаңы жетекчи дайындалды

Дин иштери боюнча мамлекеттик комиссиясына жаңы жетекчи дайындалды. Бул тууралуу президенттин аппаратынын маалымат саясат бөлүмү билдирди.

Тиешелүү эки буйрукка Президент Садыр Жапаров  кол койду.

Биринчисине ылайык, бөлүмдүн башчысы Акин Токталиев ээлеген кызматынан бошотулган. Дагы бир буйрук менен Медер Карабаев комиссиянын директору болуп дайындалды.

Буга чейин Медер Карабаев Ички иштер министрлигинин экстремизмге жана мыйзамсыз миграцияга каршы күрөшүү кызматынын ыйгарым укуктуу кызматкери болгон.