Диплому жасалма делген депутат Фархат Исмаилов кайсы университетте окуганын так айта алган жок (видео)

Жогорку Кеңештин депутаты Фархат Исмаилов "Алдаба-Не Ври" Ютуб каналына маек берген.

Анда депутат Исмаилов өзүнүн дипломуна байланыштуу суроодон буйтап өтүүгө аракет кылган.

"Мен дипломго байланыштуу маселеге токтолгум келбейт. Аны керек болсо тиешелүү органдарга көрсөтүп, далилдеп берем",- деди эл өкүлү.

Эске салсак, ушул жылдын апрель айында Улуттук коопсуздук мамлекеттик комитети "Ата-Журт Кыргызстан" фракциясынын депутаты Фархат Исмаилова менен"Альянс" фракциясынын депутаты Фарходбек Алимжановдун диплому жасалма экенин билдирген.

Ал эми депутаттардын мандат маселеси БШКда дагы деле карала элек.