Мушкер Дмитрий Бивол Кыргызстандын желегинин өзгөртүлүшү боюнча пикирин билдирди.
Эр-Риядда өткөн бокс кечинде WBAнын жеңил салмактагы чемпиону британиялык Линдон Артур менен беттештин алдында Кыргызстандын жана Орусиянын желегин илип койгон.
Мушташтан кийин «Ушатайка» каналынын өкүлдөрү андан Кыргыз Республикасынын желегин өзгөртүү боюнча кандай ойдо экенин сурашты.
«Мен бул окуяга такыр аралашпайм. Мындай желек дайыма болуп келген. Башка болот... жакшы, башкача болот. Эң негизгиси өлкөдө өзгөрүүлөр болуп, натыйжада эл жакшы жашашы керек. Азыр айланада көптөгөн мемдер пайда болду: бул желек өзгөртүлгөндөн кийин, инновациялар, машиналар учуп жүрөт деген. Желекти өзгөртүү - сыягы, бул үчүн себептер бар. Эң негизгиси адамдардын жашоо деңгээлинде өзгөрүүлөр болушу керек», - деди Бивол.
Пикирлер (0)
Пикир жок. Сиз биринчилерден болушуңуз мүмкүн