Доха шаарында Кыргызстандын элчиси Марат Нуралиев Катардын мышкы иштер боюнча мамлекеттик министри Султан бин Саад Аль-Мурейхи менен жолукту.
Кыргызстандын тышкы саясий ведомствосунан билдиришкендей, жолугушуунун жүрүшүндө элчи Нуралиев министрлер кабинетинин төрагасы Адылбек Касымалиевдин Катарлын премьер-министри, тышкы иштер министри шейх Мухаммад бин Абдурахман Аль Таниге даректелген катын тапшырды.
Ошону менен бирге тараптар кыргыз-катар эки тараптуу кызматташтыгынын күн тартибиндеги негизги маселелерге токтолуп, өлкөлөр ортосундагы соода-экономикалык жана инвестициялык өз ара аракеттенүүнү активдештирүүгө түрткү берүү максатында жакынкы келечекте бийик жана жогорку деңгээлдеги өз ара сапарларды уюштуруу маселелерин талкуулашты.
Жолугушуунун соңунда тараптар, сүйлөшүүдө жетишилген макулдашууларды мындан ары ишке ашыруу үчүн ар дайым тыгыз байланышта болууну макулдашты.
Пикирлер (0)
Пикир жок. Сиз биринчилерден болушуңуз мүмкүн