Доллардын куну эмне үчүн түшүп жатат?

Кыргызстандын Улуттук банкы валюта рыногундагы АКШ долларынын куну түшүп жатканына байланыштуу түшүндүрмө берди. Бул тууралуу Улуттук банкка таянып "Спутник Кыргызстан" кызматы кабарлады.

Маалыматка ылайык, доллардын кунунун түшүүсүнө ага болгон талаптын азайышы себеп болууда.

"Алмаштыруу курсу чет элдик валютага болгон элдин, ар кыл бизнестин суроо-талабынан улам калыптанат. Ага ички жана тышкы факторлор да таасир этет. Демек, доллардын курсунун төмөндөшүнө чет элдик валютага болгон сунуштан ага болгон суроо-талаптын өсүп кетиши, андан сырткары, Кыргызстандын соода өнөктөштөрүндө улуттук валютанын долларга карата бекемделиши да себеп болду", — деп айтылат УБнын берген маалыматында.