Доллардын курсу кескин кымбаттап, 85 сомго жетти

Бишкекте АКШ долларынын курсу кескин өсүп кеткени байкалды.

19-мартта тараган маалыматтар боюнча, коммерциялык банктар долларды 85 сомго, ал эми еврону 92 сомго чыгарган. 

Туруктуу баада 69 сомдун тегерегинде сатылып келген доллар 10-мартта 3 сомго кымбаттаган. Ошол эле күнү Улуттук банк валюталык интервенция жүргүзүп, 53,7 млн АКШ долларын 72,90 сомдон сатыкка чыгарган.

Бүгүн эртең менен доллар 73 сомдон, евро 81 сомдон сатылып жаткан.

Улуттук банктын расмий сайтында ушу тапта доллар 72 сом 90 тыйын, евро 79 сом 98 тыйын деп турат.