Дональд Трамп Дүйнөлүк саламаттыкты сактоо уюмун каржылоону токтотконун айтты

АКШнын президентти Дональд Трамп Дүйнөлүк саламаттыкты сактоо уюмун каржылоону токтотконун айтты. Бул тууралуу чет элдик басылмалар жазып чыкты.

Маалыматка ылайык, президент Ак Үйдө болгон маалымат жыйында  Дүйнөлүк саламаттыкты сактоо уюмун каржылоону токтотконун айткан.

Трамп уюм өзүнүн негизги милдетин аткара албаганын, бул үчүн жоопкерчилик тартуусу керектигин айткан. АКШнын президенти ДССУнун аракеттери коронавирустун масштабдуу жайылуусуна алып келди деген пикирде.

Трамптын оюу боюнча уюм COVID-19 Кытайда чыкканда туура эмес маалыматтарды берген, мындан улам илдет демейдегиден да, масштабдуу түрдө жайылууга алып келген.