Дональд Трамп менен Владимир Путин телефон аркылуу сүйлөштү

АКШнын президенти Дональд Трамп менен Россиянын президенти Владимир Путин телефон аркылуу сүйлөштү. Бул тууралуу ТАСС кабарлады.

Маалыматка караганда, алардын телефон аркылуу сүйлөшүүсү эки саатка созулган.

Дональд Трамп орус кесиптеши Владимир Путин менен болгон шейшемби күндөгү сүйлөшүүсү жакшы өткөнүн Fox News телеканалына берген маегинде билдирген.

"Менин оюмча, биз жакшы баарлаштык. Биз көп нерселер жөнүндө анын ичинде, тынчтыкка умтулууну да сүйлөштүк”, - деди ал.

Кремлдин басма сөз кызматынан маалымдашкандай, президенттер Украинадагы кырдаалды да талкуулашкан. Анда Россиянын президенти маектешинин Украинадагы кырдаалды жөнгө салуу максатында тараптардын 30 күнгө энергетикалык объекттерге соккуларды токтотуу боюнча айткан сунушуна макул болду.

Ошондой эле кырдаалды толугу менен жөнгө салуу үчүн Киевге чет элдик аскердик жардамды жана чалгындоо маалыматтарын берүүнү токтотуу керектиги да белгиленди.