Дүкөндөрдө кардарлар санитардык эрежелерди сактабай жатат, - комендант

Бишкек шаарындагы дүкөндөрдө кардарлар санитардык эрежелерди сактабай жатат. Бул тууралуу 28-апрелде өткөн брифингде Ички иштер министринин орун басары жана Бишкек шаарынын коменданты Алмазбек Орозалиев билдирди.

Анын айтымында шаар тургундары жөнөкөй санитардык эрежелерди сактабай жатат.

"Күн жылыган сайын азык-түлүк дүкөндөргө беткап кийбей, санитардык нормаларды сактабай баргандар көбөйүп жатат. Дүкөн ээлерине кайрылат элем, элдердин аралыкты сактоосун карагыла, антисептиктерди орнотуп, эшиктерге санитардык эрежелердин көрсөтмөлөрүн илгиле дейт элем”, - деди Орозалиев.