Дүкөндүн ээсин бычак менен коркутуп, тоногон жигиттер кармалды

Каракчылыкка шектүүлөр кармалганын Чүй облустук ички иштер башкармалыгынын басма сөз кызматы 30-июлда билдирди.

Окуя 7-июлга караган түнү Панфилов районунда болгон. Ошол күнү уурулар дүкөнгө кирип, бычак менен коркутуп, 14 миң сомун алып качып кетишкен.

Сатуучу милиция кызматкерлерине кайрылып, бул факт Жазык кодексинин 202-беренеси (Каракчылык) менен Кылмыштардын жана жоруктардын бирдиктүү реестрине катталды.

Чүй ОИИБдин жана Панфилов РИИБдин ыкчам кызматкерлери тарабынан кылмышка шектүүлөр кармалды. Алар — 2000-жылы туулган Р.Т. жана 2003 -жылы туулган Т.А.

Милиция кармалгандар Жайыл районундагы башка тоноолорго дагы катыштыгы бар экендигин аныктады.

Учурда тергөө иштери жүрүп жатат.