Душанбеге бара жаткан. Чоң-Алайда кармалган балдар тууралуу Чек ара кызматы маалымат берди

Ош облусунун Чоң-Алай районунда Тажикстандын үч жараны кармалды. Маалыматты "Карамык" чек ара заставасынан тастыкташты.

Маалыматка ылайык, Тажикстандын үч жараны Бишкектен Дүйшөмбү шаарына бара жатышкан.

"Кармалган үч жаран Бишкектен такси менен келип, Чоң-Алайдын Кара-Тейит айылы аркылуу Тажикстанга өтүүгө аракет кылышкан. Алар жергиликтүү тургундар тарабынан кармалышкан жана жанында аты-жөнүн тастыктаган документтери жок болгон. Өздөрүнүн айтымында Бишкекте иштеп жүрүшкөн. Башка эч нерсе айтышкан жок. Азыр бизде кармалып турат", - деди "Карамык" заставасынын кызматкери.