Дүйнө чемпионаты: 1/8 финалда Франция Польша менен, Аргентина Австралия менен ойнойт

30-ноябрь күнү футбол боюнча дүйнө чемпионатынын алкагында тайпалык баскычтын акыркы турундагы беттештер өттү.

D тайпасындагы Франция Тунистен жеңилгенине карабастан тайпадан биринчи болуп чыкты. 

Буга удаа оюнда Дания Австралияга жеңилип, дүйнө чемпионаты менен кош айтышты. Ал эми Австралия алдыга бир кадам жасады.

C тайпасында Сауд Аравияга сенсациялуу жеңилүүдөн кийин Аргентина абалын оңдоп, тайпада Мексика жана Польшаны жеңип, тайпадан биринчи орун менен чыкты.

Ал эми Сауд Аравия акыркы беттеште Мексикага 2:1 эсебинде жеңилип, кийинки баскычка чыгуудан кур калды.

Бул тайпада Аргентина 6 упай топтосо, Польша 4 упай менен 1/8 финалга жолдомо алды.