Дүйнө чемпионаты: Айсулуу Тыныбекова жарым финалда жеңилип калды

Кыргызстандык спортчу Айсулуу Тыныбекова Сербиядагы кыз-келиндер күрөшү боюнча дүйнө чемпионатында коло байге үчүн күрөшөт.

Тыныбекова 62 кг салмакта кыз-келиндер күрөшү боюнча чемпионаттын 1/8 финалында болгариялык Биляна Дудова менен күрөштү. Кыл чайнашкан беттеште Тыныбекова атаандашын 3:2 эсебинде утуп, чейрек финалга чыкты. Анда кыргыз кызы германиялык Луиза Нимешти 4:0 эсебинде артта калтырды.

Жарым финалда Айсулуу япониялык Нонока Озакиге каршы килемге чыкты. Бул кармашта япон спортчусу күчтүүлүгүн көрсөтүп, упайдын аркасынан упай алып жатты. Жыйынтыгында 11:5 эсебинде Озаки финалга чыкты. Ал эми Тыныбекова коло медаль үчүн күрөшөт.