Дүйнө чемпионатынын 1-күнү: Укмуштуудай ачылыш азем жана Катардын жеңилиши (фото)

20-ноябрда биринчи жолу Жакынкы чыгыш өлкөлөрүндө, тагыраак айтканда, Катар өлкөсүндө футбол боюнча Дүйнө чемпионаты старт алды.

Катарда өтүп жаткан чемпионатка 208 миллиард доллар сарпталган. Оюндар 8 стадиондо өтмөкчү. 

Ошондой эле дүйнө чемпионаты алгачкы жолу күз-кыш мезгилинде өткөрүлүп жатат.

Катардын борбор калаасы Доха шаарындагы "Аль-Бейт" стадионунда укмуштуудай ачылыш аземи өткөндөн кийин алгачкы беттеш башталды.

Биринчи беттеште кожоюн Катар Эквадор улуттук курамасына каршы оюн өткөрдү.

Бул беттеште катарлыктар өздөрүнүн күйөрмандарын кубанта алган жок. Оюндун биринчи жарымында эле эки гол өткөрүп, жеңилүү ызасын тартты.