Дүйнөдө COVID-19 вирусунан айыккандар 900 миңден ашты

Дүйнөдө коронавирус инфекциясынан айыккандар 928 658 адамга жетти. Бул тууралуу окумуштуулар иштеп чыккан онлайн картада жарыяланды.

Илдеттен айыккандар Испанияда 123 903, Германияда 117 400, АКШда 115 910, Кытайда 78 410, Иранда 72 439, Италияда 68 941, Францияда 47 775, Түркияда 38 809, Бразилияда 32 544 адамга жетти.

Эске салсак, коронавирус илдети 2019-жылдын соңунда Кытайдын Ухань шаарынан чыккан. Ал эми Бүткүл дүйнөлүк саламаттыкты сактоо уюму COVID-19 вирусун 11-мартта пандемия деп тапкан. Учурда дартка чалдыккандардын саны 3 116 398 адамга жетти.