Дүйнөдө COVID-19 вирусунан айыккандар 900 миңге чукулдады

Дүйнөдө коронавирус инфекциясынан айыккандар 865 628 адамга жетти. Бул тууралуу окумуштуулар иштеп чыккан онлайн картада жарыяланды.

Илдеттен айыккандар Испанияда тездик менен өсүп жатат, аталган өлкөдө 117 727 адам дартты жеңди. Ал эми Германияда 112 000, АКШда 106 985, Кытайда 78 264, Иранда 69 657, Италия 64 928, Франция 45 681, Бразилияда 30 152, Түркияда 29 140 адам инфекцияны жеңди.

Эске салсак, коронавирус илдети 2019-жылдын соңунда Кытайдын Ухань шаарынан чыккан. Ал эми Бүткүл дүйнөлүк саламаттыкты сактоо уюму COVID-19 вирусун 11-мартта пандемия деп тапкан. Учурда дартка чалдыккандардын саны 2 971 090 адамга жетти.