Дүйнөдө коронавирустан каза болгондор 170 миңден ашты

Дүйнөдө COVID-19 вирусунан каза болгондор 170 261 адамга жетти. Бул тууралуу окумуштуулар иштеп чыккан онлайн картада жарыяланды.

Маалыматка ылайык, коронавирустан каза болгондор АКШда 41 816, Италияда 24 114, Испанияда 20 852, Францияда 20 265, Улуу Британияда 16 509 бейтапка жетти.

Ал эми илдетти жуктургандар АКШда 786 638, Испанияда 200 210, Италияда 181 228, Францияда 156 480, Германия 147 065, Улуу Британияда 125 856 адамга жетти. Соңку учурда Уханьдан чыккан вирус Түркия мамлекетинде тездик менен тарап жатат, ал жакта инфекцияны жуктургандар 90 980 кишиге жетти.