Дүйнөдө коронавирус илдетин жеңгендердин саны 356 миңден ашты

COVID-19 пандемиясынан айыккандардын саны дүйнөдө 356 161 адамга жетти. Бул тууралуу окумуштулар иштеп чыккан онлайн картада жарыяланды.

Маалыматка ылайык, илдетти жеңгендер Германия менен Испанияда көбөйүүдө. Биринчи аталган өлкөдө апааттан кутулгандардын саны 52 407 адамга жетсе, Испанияда 52 165 бейтап илдеттен айыккан. Мындан сырткары, Кытайда 77 758, Иранда 32 309, Италияда 28 470 жана АКШда 26 522 киши дартты жеңген. Ал эми, Кыргызстанда коронавирустан 39 адам айыкты.

Ошондой эле, инфекцияны жер бетинде 1 611 981 киши жуктуруп, андан 96 783 адам көз жумду.