Дүйнөдө коронавирус илдетине чалдыккандар миллиондон ашты

Дүйнөдө коронавирус илдетине чалдыккандардын саны 1 026 974 адамга жетти. Бул тууралуу окумуштулар иштеп чыккан онлайн картада жарыяланды.

 

Маалыматка ылайык, сутка ичинде 100 миңге жакын жаңы учурлар катталган. Илдетке чалдыккандардын саны боюнча АКШ алдыда келе жатат, аларда 245 573 адам, Испанияда да соңку суткада 13 миңден ашык адам катталып, жалпы 117 710го жетти. Ал эми Италияда 115 242 адам илдетти жуктуруп алган.

COVID-19 пандемиясынан Дүйнөдө 217 433 адам айыгып, 53 975 киши каза болду. Кыргызстанда вирусту жугузгандар 130 кишиге жетти.