Дүйнөдө коронавирустан сакайгандар 1 миллионго чукулдады

Дүйнөдө коронавирус илдетинен айыккандар 972 719 адамга жетти. Бул тууралуу окумуштуулар иштеп чыккан онлайн картада жарыяланды.

Илдеттен айыккандар Испанияда 132 929, АКШда 120 720, Германияда 120 400, Кытайда 78 474, Иранда 73 474, Италияда 71 252, Францияда 49 118, Түркияда 44 040, Бразилияда 34 132 адам инфекцияны жеңди.

Эске салсак, коронавирус илдети 2019-жылдын соңунда Кытайдын Ухань шаарынан чыккан. Ал эми Бүткүл дүйнөлүк саламаттыкты сактоо уюму COVID-19 вирусун 11-мартта пандемия деп тапкан. Учурда дартка чалдыккандардын саны 3 192 886 адамга жетти.