Дүйнөлүк рынокто алтындан баасы рекорддук чекке жетип, 1 унцийи 3024,00 АКШ долларын түздү. Бул тууралуу The Economy Forecast Agency басылмасы жазды.
Дүйнөлүк экономикалык басылмалар алтындын баасы бир жуманын ичинде экинчи жолу өсүп, 1 унцийи 3000 доллардан ашканынын себеби АКШ президенти Дональд Трамптын тарифтик саясатынан инвесторлордун экономикалык чоочулоосу деп түшүндүрөт.
Ал эми аналитиктер баанын мындан ары да өсөөрүн белгилешет.
Long Forecast экономикалык агенттинин жаңыланган маалыматы боюнча 2025-жылы алтындын баасы 3150 долларга чейин өсүшү күтүлөт. Ал эми жылдын аягында дээрлик ал 3150-3356 долларга чейин чыгат.
Мындай көрсөткүч Кыргызстан үчүн экономикалык мүмкүнчүлүктөрдү кеңейтет.
Алтынга болгон баанын өсүшү экспорттук кирешени көбөйтүп, дүйнөлүк баанын жогорулашы мамлекеттик бюджетке жана төлөм балансына оң таасир берет.
Ошондой эле улуттук валютаны күчөтүп, сомдун туруктуулугуна жардам бере алат, анткени экспорттон түшкөн доллар кирешеси көбөйөт.
Муну менен катар инвесторлор үчүн кызыгууну күчөтүп, тоо-кен тармагына инвестициялар тартылып, өндүрүш көлөмү кеңейиши мүмкүн.
Пикирлер (0)
Пикир жок. Сиз биринчилерден болушуңуз мүмкүн