Дүйнөнүн алдынкы өлкөлөрүндө да беткап тагуу негизги талап, - Министрлик

Дүйнөнүн алдынкы өлкөлөрүндө да беткап тагуу негизги талап катары болуп келет. Бул тууралуу Ооруларды алдын алуу жана санитардык эпидемиологиялык көзөмөлдөө мамлекеттик департаментинин директору Абдыкадыр Жороев 5-июндагы брифингде билдирди.

"Санитардык-эпидемиялогиялык талаптар боюнча эрежелер сакталбай жатат. Жарандар беткап маселесин көтөрүп жатат. Дүйнөнүн алдынкы өлкөлөрүндө да беткап тагуу негизги талап. Бүгүнкү күндө мониторинг жүргүзүп келүүдөбүз жана беткапты такпай койгондор болууда. Беткап сизди, башкаларды да илдетти жуктуруп алуу же жайылтуу коркунучун азайтат. Мен жарандардан беткап тагууну жана аны башкалардан талап кылууну суранат элем. Коомдук транспорттордо да эрежени сактоолору керек”,  - деди Жороев.