ЕАӨБ Кыргызстандагы эң ири күн электр станцияларынын биринин курулушун каржылайт

Евразия өнүктүрүү банкы Кыргызстандагы эң ири күн электр станцияларынын биринин курулушун каржылайт. Бул тууралуу банктын сайтында жазылган.

Кеп Ысык-Көлдүн Тору-Айгыр айылындагы кубаттуулугу 300 мегаватка жеткен станция жөнүндө болуп жатат. Евразия өнүктүрүү банкы 15 жылга 210 миллион долларга чейин каражат бөлмөкчү. Объектини ишке киргизүү 2025-жылдын аягына пландаштырылды.

Банктын башкаруучу директору Денис Ильин долбоор Кыргызстандын энергетикалык коопсуздугун жогорулатып, электр станция эл аралык экологиялык жана техникалык стандарттарга жооп берерин белгилеген.