Эгерде биринчи чейректен кийин эпидемиологиялык абал жакшырса, анда мектептер ишмердүүлүгүн толук кандуу ишке ашыра алат. Бул тууралуу премьер-министр Кубатбек Боронов 19-августтагы брифингде билдирди.
Анын айтымында, өкмөт 1-сентябрдан тарта учурдагы кырдаалды эске алып, кадимки тартипте 1-класстын окуучуларын гана окутуп баштоону чечти.
"1-класстын окуучулары тиешелүү санитардык талаптарды аткаруу менен окуусун салттуу түрдө башташат. Эгерде эпидемиологиялык абал жакшырса, анда мектептер ишмердүүлүгүн толук кандуу ишке ашыра алат", - деди өкмөт башчы.
Ал ошондой эле окуу жылынын башталышы менен коомдук унаанын иштөө графиги кайра каралып чыгарыларын белгиледи.
Пикирлер (0)
Пикир жок. Сиз биринчилерден болушуңуз мүмкүн