Бугу 20, 2024
Убакыт: 12:54
USD
88.20
89.10
EUR
95.60
96.60
RUB
0.960
0.980

Эки дос мансап үчүн чырдашпайбыз. Ташиев Жапаровдун айтканына комментарий берди

18.12.2023 11:22
238
Эки дос мансап үчүн чырдашпайбыз. Ташиев Жапаровдун айтканына комментарий берди


УКМК төрагасы Камчыбек Ташиев президент Садыр Жапаровдун экөөнүн достугу боюнча айтканына өз пикирин социалдык тармактагы баракчасына аркылуу билдирди.


Ал үч күндөн бери катуу ооруп, эми гана баш көтөргөнүн жазган.


"Биринчиден, президентибиз туура айтты, эки дос мансап үчүн эч качан чырдашпайбыз. Экинчиден, биз үчүн кыргыз элибиздин тынч, бакубат, келечектүү жашоосу эң кымбат жана эч нерсеге алмаштыргыс бакыт! Үчүнчүдөн, президентибиз мурдагы Конституциянын негизинде 6 жылга шайланган, ал эми бүгүнкү Конституциянын негизинде дагы бир жолу 5 жылга экинчи мөөнөткө шайланууга укуктуу, ошондуктан Садыр Нургожоевичти колдоп, кубаттап элибизге чогуу кызмат кылабыз деп үмүт артамын", — деген Ташиев.


Ал 8 жылдан кийин да Садыр Жапаровдой элге күйгөн кыргыздын инсаны чыгат деп ишеним арткан.


Эске салсак, президент II Элдик курултайда Камчыбек Ташиев менен мамилесин бузууну көздөгөн аракеттер болуп келе жаткандыгын, бирок андай нерселер ишке ишпастыгын айткан.


Пикирлер (0)

Коопсуздук коду

Пикир жок. Сиз биринчилерден болушуңуз мүмкүн