Эл аралык институт жүргүзгөн сурамжылоодо Садыр Жапаров эң көп элдин ишенимине ээ болгон

Кыргызстандын жаңы шайланган президенти Садыр Жапаров элдин ишеними боюнча жүргүзүлгөн сурамжылоонун жыйынтыгында биринчи болду. Бул тууралуу Эл аралык республикалык институт жүргүзгөн сурамжылоодо белгилүү болгон.

Сурамжылоодо "Сиз кайсы коомдук ишкерге же саясатчыга көбүрөөк ишенесиз?" деген суроо берилген.

Анын жыйынтыгы боюнча Садыр Жапаров эң көп ишенимге ээ татыган. Ииликтөөгө катышкандардын 51%ы ага ишеним артарын билдирген. 2020-жылдын август айында ушундай эле сурамжылоодо Жапаров 8% ишенимге ээ болгону аталган отчётто айтылат.

Садыр Жапаровдон кийинки орунда УКМКнын төрагасы Камчыбек Ташиев турган. Ал 11% ишенимге татыса, 3-орунду Адахан Мадумаров 7%дык чек менен ээлеген. Андан кийинки орундарда Өмүрбек Бабанов, Артем Новиковдор турат.