Эл аралык валюта фондунун каражаты каякка жумшалган? Министрликтин жообу

Финансы министринин орун басары Абдыбалы тегин Суеркул 24-июлдагы брифингде Эл аралык валюта фондунун каражаты (I транш) каяка жумшалганы боюнча маалымат берди. 

Анын маалыматына караганда, 2020-жылдын апрель-май айларында Эл аралык валюта фондунун каражаттарынын эсебинен (I транш) 9 765,8 млн сом суммада республикалык бюджеттин төмөнкү чыгашалары жүргүзүлгөн:

- эмгек акы (анын ичинде дарыгерлердин, мугалимдердин жана укук коргоо органдарынын кызматкерлеринин) - 4 115,5 млн сом;

- социалдык муктаждыкка төгүмдөр - 498,5 млн сом;

- Социалдык фондго трансферттер - 2 131,3 млн сом;

- Милдеттүү медициналык камсыздандыруу фондуна трансферттер - 1 310 млн сом;

- теңөөчү трансферттер - 160,8 млн сом (ЖӨБ органдарынын эмгек акысы);

- калкты социалдык жактан камсыз кылуу жана социалдык жардам боюнча жөлөк пул - 1 102,9 млн сом;

- медициналык товарларды жана кызматтарды сатып алууга - 106,3 млн сом;

- стратегиялык запастар (Мамлекеттик материалдык резервдер фонду тарабынан дан сатып алууга) - 240,1 млн сом;

- оор турмуштук кырдаалга кабылган калкка, социалдык турак-жай салууга каршы күрөшүү максатында киргизилген чектөөлөрдөн улам, тамак-аш азыктарын сатып алууга - 19,4 млн сом; 

- ЭВФтин 121,1 млн доллар өлчөмүндөгү 2-траншы - экономиканы колдоо боюнча документтер даярдалууда.