Дүйнөлүк саламаттык сактоо уюмунун маалыматында 60%дан жогору вирус жуктуруган жарандарда коронавирус симптому жок өтөт, деп билдирди Вирустарды көзөмөлдөө боюнча республикалык илимий борбордун жетекчиси Зуридин Нурматов бүгүн, 3-майда онлайн-брифингде.
“Ал эми Кыргызстандагы иликтөөлөрдүн негизинде өлкөдө COVID-19 тастылганы менен, бейтаптардын 67%ында илдеттин симптомдору билинбей өтүп жатканы белгилүү. Ошентсе дагы, анализ аркылуу вирус тастыкталган бардык жарандар ооруканага жаткырылып, тийиштүү дарылануу курсунан өтүшөт. Себеби, симптому билинбей өтүп жаткан бейтаптар өздөрү оорубаганы менен, башкаларга жугузушу мүмкүн”, - деди ал.
З.Нурматовдун айтымында, бул абдан кооптуу. Мындан улам элдин арасында анализ аркылуу тастыкталбаганы менен COVID-19 вирусун алып жүргөндөр бар деп айтууга болот.
Пикирлер (0)
Пикир жок. Сиз биринчилерден болушуңуз мүмкүн