Элчи Чотонов Өзбекстандын транспорт министри менен кызматташтыкты талкуулады

Кыргызстандын Өзбекстандагы элчиси Дүйшөнкул Чотонов Өзбекстандын транспорт министри Илхом Махкамов менен жолугушту.

КР ТИМден билдиришкендей, тараптар транспорт тармагындагы өз ара пайдалуу кызматташуунун актуалдуу маселелерин талкуулашты. Авто жол куруунун бир катар маанилүү долбоорлорго өзгөчө көңүл бурулду.

Ошондой эле жолугушууда “Кытай-Кыргызстан-Өзбекстан” темир жол долбоорун жана бул жаатта жогорку деңгээлдеги иш сапарлардын жыйынтыгында жетишилген башка макулдашууларды ишке ашыруунун маанилүүлүгү баса белгиленди.

Тараптар транспорт тармагында өз ара пайдалуу кызматташтыкты өнүктүрүү үчүн бардык күч-аракетин жумшоого даяр экендиктерин билдиришти.