Элчи Дүйшөнкул Чотонов Өзбекстандын тышкы иштер министринин орун басары менен жолугушту

Кыргызстандын Өзбекстандагы элчиси Дүйшөнкул Чотонов Өзбекстандын тышкы иштер министринин орун басары Бобур Усманов менен жолугушту.

ТИМден билдиришкендей, жолугушууда тараптар кыргыз-өзбек күн тартибинин актуалдуу маселелери жана алдыда боло турган жогорку деңгээлдеги биргелешкен тышкы саясий иш-чаралар боюнча пикир алышты.

Соңунда Бобур Усманов Дүйшөнкул Чотоновду Өзбекстандагы дипломатиялык миссиясынын башталышы менен куттуктап, жооптуу ишинде ийгиликтерди каалады.